SA vs AUS ICC ODI World Cup : మిల్ల‌ర్ కిల్ల‌ర్ ఇన్నింగ్స్

SA vs AUS ICC ODI World Cup : కోల్ క‌తా – ఐసీసీ(ICC) వ‌న్డే వ‌ర‌ల్డ్ క‌ప్ 2023లో భాగంగా ఈడెన్ గార్డెన్స్ మైదానంలో జ‌రిగిన రెండో సెమీ ఫైన‌ల్ మ్యాచ్ ఏక‌ప‌క్షంగా సాగింది. తొలుత బ్యాటింగ్ కు దిగిన ద‌క్షిణాఫ్రికాపై పూర్తి స్థాయిలో ప‌ట్టు బిగించింది ఆస్ట్రేలియా. ఆసిస్ బౌల‌ర్లు అద్భుతంగా బౌలింగ్ చేయ‌డం, బ్యాట‌ర్ల‌ను క‌ట్ట‌డి చేయ‌డంతో కేవ‌లం నిర్ణీత 49.4 ఓవ‌ర్ల‌లో 212 ప‌రుగుల‌కు ఆలౌటైంది.

SA vs AUS ICC ODI World Cup updates

ఓ వైపు వికెట్లు ట‌పా ట‌పా రాలుతున్నా ఎక్క‌డా త‌ల వంచ లేదు స‌ఫారీ స్టార్ ప్లేయ‌ర్ డేవిడ్ మిల్ల‌ర్. కిల్ల‌ర్ ఇన్నింగ్స్ ఆడాడు. ఆసిస్ బౌల‌ర్ల‌కు చుక్క‌లు చూపించాడు. కేవ‌లం 101 బంతులు ఎదుర్కొన్న మిల్ల‌ర్ 8 ఫోర్లు 5 సిక్స‌ర్ల‌తో రెచ్చి పోయాడు. మొత్తం 116 ర‌న్స్ చేశాడు. శ‌త‌కం బాదాడు.

మ‌రో ఆట‌గాడు హెన్రిచ్ క్లాసెన్ అద్భుతంగా రాణించాడు. 4 ఫోర్లు 2 సిక్స‌ర్ల‌తో 47 ర‌న్స్ చేశాడు. ఆసిస్ పేస్ ధ్వ‌యం మిచెల్ స్టార్క్ , జోష్ హేజిల్ వుడ్ లు ఆరంభం నుంచే దుమ్ము రేపారు. క‌ళ్లు చెదిరే బంతుల‌తో చుక్క‌లు చూపించారు.

ఇదిలా ఉండ‌గా కేవ‌లం 24 ర‌న్స్ కే నాలుగు వికెట్లు కోల్పోయిన ద‌శ‌లో మైదానంలో చిచ్చ‌ర పిడుగులా చెల‌రేగాడు డేవిడ్ మిల్ల‌ర్.

Also Read : Mohammed Ali : ధ‌ర‌ణిలో గోల్ మాల్ జ‌ర‌గ‌లేదు