కావేరీ నీటి ప‌రిస్థితిపై డీకే శివ‌కుమార్ స‌మీక్ష

బెంగ‌ళూరు : కావేరీ వాటర్ మేనేజ్‌మెంట్ అథారిటీ (సీడ‌బ్ల్యూఎంఏ) జారీ చేసిన ఇటీవలి ఆదేశాల నేపథ్యంలో రాష్ట్రంలో కావేరీ నీటి పరిస్థితిని సమీక్షించడానికి కర్ణాటక ముఖ్యమంత్రి డి.కె. శివకుమార్ శుక్రవారం ఒక సమావేశాన్ని నిర్వహించారు. న్యూఢిల్లీలో సమావేశమైన సీడబ్ల్యూఎంఏ తమిళనాడుకు రోజుకు 3,500 క్యూసెక్కుల నీటిని విడుదల చేయాలని , 15 రోజుల్లో మొత్తం 4 TMC నీటిని విడుదల చేయాలని కావేరీ వాటర్ రెగ్యులేషన్ కమిటీ చేసిన సిఫార్సును సమర్థించింది. కర్ణాటక ముఖ్యమంత్రి కార్యాలయం తెలిపిన వివరాల ప్రకారం ఈ సమావేశంలో కర్ణాటక ఉప ముఖ్యమంత్రి జి. పరమేశ్వర, నీటి వనరుల శాఖ మంత్రి రామలింగ రెడ్డి, ప్రధాన కార్యదర్శి షాలిని రజనీష్, డీజీపీ సలీమ్ అహ్మద్‌తో పాటు ఉన్నతాధికారులు పాల్గొన్నారు. మరోవైపు, ప్రతిపాదిత ‘మేకెదాటు బ్యాలెన్సింగ్ రిజర్వాయర్-కమ్-తాగునీటి ప్రాజెక్ట్’కు సంబంధించిన సమగ్ర ప్రాజెక్ట్ నివేదిక ను కేంద్రం తిరిగి పంపినట్లు జల్ శక్తి శాఖ సహాయ మంత్రి రాజ్ భూషణ్ చౌదరి పార్లమెంటుకు తెలిపారు.

లోక్‌సభలో ఒక ప్రశ్నకు సమాధానమిస్తూ చౌదరి ఇలా అన్నారు: కావేరీ జల వివాద ట్రిబ్యునల్ తీర్పు , ప్రస్తుత సీడ‌బ్ల్యూసీ మార్గదర్శకాలకు అనుగుణంగా సవరించిన డీపీఆర్ ను సమర్పించాలనే అభ్యర్థనతో, 2019లో సమర్పించిన దానిని ప్రాజెక్ట్ అథారిటీకి తిరిగి పంపడం జరిగిందన్నారు. ప్రతిపాదిత ప్రాజెక్ట్ వల్ల కావేరీ డెల్టా ప్రాంతంపై , ఇతర జిల్లాల్లో తాగునీటి లభ్యతపై పడే ప్రభావాల గురించి తమిళనాడు ప్రభుత్వం , రైతు సంఘాలు వ్యక్తం చేసిన ఆందోళనలను భారత ప్రభుత్వం పరిగణనలోకి తీసుకుంది అని ఆయన పేర్కొన్నారు. లోక్‌సభ సభ్యుడొకరు అడిగిన ప్రశ్నకు సమాధానమిస్తూ చౌదరి ఇలా అన్నారు, ఏదైనా ప్రాజెక్ట్‌కు సంబంధించి అందిన విజ్ఞప్తులను, ఆ ప్రాజెక్ట్ పరిశీలన సమయంలో నిర్దేశిత విధానాలకు అనుగుణంగా తగిన విధంగా పరిశీలిస్తారని స్ప‌ష్టం చేశారు. కావేరీ నీటి వివాదానికి సంబంధించి జూలై 16, 2018 నాటి సుప్రీంకోర్టు తీర్పును కూడా ఆయన తన సమాధానంలో ప్రస్తావించారు.

కావేరీ నదిపై ఎలాంటి నిర్మాణాన్ని చేపట్టడానికైనా కర్ణాటక రాష్ట్రం ఇతర నదీ తీర రాష్ట్రాలైన తమిళనాడు, కేరళ , కేంద్రపాలిత ప్రాంతమైన పుదుచ్చేరిల అనుమతిని పొందాలని ఎక్కడా పేర్కొనలేద‌ని పేర్కొన్నారు.