PM Modi Road Show : మోదీ మెగా రోడ్ షో అదుర్స్
క‌ర్ణాట‌క‌లో ప్ర‌చారం జోరు
PM Modi Road Show : క‌ర్ణాట‌క‌లో ఎన్నిక‌లు జ‌రిగేందుకు కేవలం మూడు రోజుల స‌మ‌యం మాత్ర‌మే ఉంది. అధికారంలో ఉన్న భార‌తీయ జ‌న‌తా పార్టీ ప్ర‌తిప‌క్షంలో ఉన్న కాంగ్రెస్ పార్టీ మ‌ధ్య నువ్వా నేనా అన్న రీతిలో ప్ర‌చారం కొన‌సాగింది. ఒక‌రిపై మ‌రొక‌రు మాట‌ల యుద్దానికి తెర లేపారు.
బీజేపీ నుంచి ప్ర‌ధాన‌మంత్రి న‌రేంద్ర మోదీ గెలిపించే బాధ్య‌త‌ను త‌న భుజాల మీద వేసుకున్నారు. అన్నీ తానై వ్య‌వ‌హ‌రిస్తున్నారు. ఇప్ప‌టికే ప‌లుమార్లు రోడ్ షోలు, ర్యాలీలు, బ‌హిరంగ స‌భ‌ల‌తో హోరెత్తించారు. బెంగ‌ళూరులో మోదీ నిర్వ‌హించిన ప్ర‌ద‌ర్శ‌నకు భారీ ఎత్తున ఆద‌ర‌ణ ల‌భించింది. బెంగ‌ళూరు న‌గ‌రంలో 13 నియోజ‌క‌వ‌ర్గాల ప‌రిధిలో దాదాపు 26 కిలోమీట‌ర్ల మేర రోడ్ షో(PM Modi Road Show) చేప‌ట్టారు.
నిన్న ఒక్క రోజే మూడు గంట‌ల‌కు పైగా ప్ర‌ద‌ర్శ‌న నిర్వ‌హించారు. ఆదివారం వేరే మార్గంలో మ‌రో రోడ్ షో నిర్వ‌హించ‌నున్నారు. మెగా ఎనిమిది గంట‌ల రోడ్ షోను ముందుగా ప్లాన్ చేసిన‌ట్లు స‌మాచారం. కేవలం మూడు రోజులు మాత్ర‌మే మిగిలి ఉండ‌డంతో బీజేపీ ఎక్కువ‌గా ప్ర‌ధాన‌మంత్రిపై ఆధార‌ప‌డింది. ప్ర‌స్తుతం పార్టీ స‌ర్వ శ‌క్తుల‌ను ఒడ్డుతోంది. ఎలాగైనా స‌రే గెల‌వాల‌ని ప్ర‌య‌త్నిస్తోంది.
ఇదిలా ఉండ‌గా ఎగ్జిట్ పోల్స్ మాత్రం భార‌తీయ జ‌న‌తా పార్టీకి ఎడ్జ్ లేద‌ని పేర్కొన్నాయి. ప్ర‌తిప‌క్ష కాంగ్రెస్ పార్టీకి అడ్వాంటేజ్ గా ఉంద‌ని అంచ‌నా వేశాయి. కొన్ని మాత్రం క‌ర్ణాట‌క‌లో హంగ్ ఏర్ప‌డ‌డం ఖాయ‌మ‌ని పేర్కొన్నాయి.
Also Read : రెజ్ల‌ర్ల‌కు రైత‌న్న‌ల మ‌ద్ద‌తు