Nara Lokesh : బీసీల పాలిట జ‌గ‌న్ సైతాన్ – లోకేష్
ఏపీ సీఎంపై షాకింగ్ కామెంట్స్
Nara Lokesh : ఏపీ సీఎం జ‌గ‌న్ మోహ‌న్ రెడ్డిపై నిప్పులు చెరిగారు టీడీపీ జాతీయ ప్ర‌ధాన కార్య‌ద‌ర్శి నారా లోకేష్(Nara Lokesh). యువ గ‌ళం పాద‌యాత్ర‌లో భాగంగా ఉమ్మ‌డి ప్ర‌కాశం జిల్లా అద్దంకి నియోజ‌క‌వ‌ర్గంలో ప్ర‌జ‌ల‌ను ఉద్దేశించి ప్ర‌సంగించారు. వెనుక‌బ‌డిన త‌ర‌గ‌తుల (బీసీ) పాలిట జ‌గ‌న్ సైతాన్ లా మారాడ‌ని ఆరోపించారు. అద్దంకి ప్రాంతానికి ఘ‌న‌మైన చ‌రిత్ర ఉంద‌న్నారు. శ్రీ లక్ష్మీ న‌ర‌సింహ స్వామి, శ్రీ ప్ర‌స‌న్న ఆంజ‌నేయ స్వామి ఆల‌యాలున్న పుణ్య భూమి అన్నారు. దేశం కోసం పోరాడిన ప్ర‌కాశం పంతులు న‌డిచిన నేల ఇద‌ని పేర్కొన్నారు నారా లోకేష్.
Nara Lokesh Comments
టీడీపీ చేప‌ట్టిన జ‌య‌హో బీసీ కార్య‌క్ర‌మాన్ని చూసి జ‌గ‌న్ వ‌ణుకుతున్నాడ‌ని ఎద్దేవా చేశారు. గ‌ల్లీ నుండి ఢిల్లీ దాకా వైసీపీ బీసీ నేత‌ల‌ను రంగంలోకి దింపాడ‌ని, త‌న‌ను వారితో తిట్టిస్తున్నాడంటూ మండిప‌డ్డారు. త‌న‌ను తిట్టేందుకైనా వారికి స్వేచ్ఛ‌ను ఇచ్చినందుకు కంగ్రాట్స్ చెబుతున్నాన‌ని సెటైర్ వేశారు నారా లోకేష్.
15 ఏళ్ల బీసీ పోర‌డిని పెట్రోల్ పోసి చంపేస్తే , 5వ త‌ర‌గ‌తి చ‌దువుతున్న బాలిక‌పై అత్యాచారం జ‌రిగితే ఒక్క బీసీ నాయ‌కుడు ఎందుకు నోరు విప్ప‌లేదంటూ ప్ర‌శ్నించారు. ఎంత మంది బీసీల‌కు ప‌ద‌వులు ఇచ్చాడో చెప్పాల‌ని ఆయ‌న డిమాండ్ చేశారు. 26 వేల మంది బీసీల‌పై అక్ర‌మ కేసులు బ‌నాయిస్తే ఎందుకు ప్ర‌శ్నించ లేద‌న్నారు నారా లోకేష్.
Also Read : Godavari Water Flow : భ‌ద్ర‌చలానికి వ‌ర‌ద ఉధృతి