సోనమ్ వాంగ్చుక్ ను వేరే ఆస్పత్రికి మార్చలేం
సోనం భార్యకు ఢిల్లీ హైకోర్టులో చుక్కెదురు
న్యూఢిల్లీ : సోనమ్ వాంగ్చుక్ను వేరే ఆసుపత్రికి మార్చాలన్న అభ్యర్థనపై మధ్యంతర ఉపశమనం లేదని హైకోర్టు స్పష్టం చేసింది. కోర్టులో జరిగిన ప్రత్యేక విచారణలో సఫ్దర్జంగ్ ఆసుపత్రి వైద్యులు నిరాహార దీక్ష చేస్తున్న కార్యకర్త ఆరోగ్యాన్ని నిశితంగా పర్యవేక్షిస్తున్నారని జస్టిస్ పుష్కర్ణ పేర్కొన్నారు. అలాగే, ఆయన శారీరక సమగ్రతకు భంగం కలిగించేలా ఎటువంటి బల ప్రయోగం జరుగుతోందని చెప్పలేమని ఆమె అన్నారు. 21 రోజులుగా నిరవధిక నిరాహార దీక్ష చేస్తున్న కార్యకర్త సోనమ్ వాంగ్చుక్, న్యూఢిల్లీలోని జంతర్ మంతర్ నుండి ఆసుపత్రికి తరలించ బడుతున్నప్పుడు చేయి ఊపుతూ కనిపించారు.
ఇక్కడి సఫ్దర్జంగ్ ఆసుపత్రిలో చికిత్స పొందుతున్న కార్యకర్త సోనమ్ వాంగ్చుక్ వ్యవహారంలో జోక్యం చేసుకోవడానికి ఢిల్లీ హైకోర్టు ఆదివారం నిరాకరించింది. వాంగ్చుక్ను ప్రైవేట్ ఆసుపత్రికి తరలించడానికి అనుమతి కోరుతూ ఆయన భార్య గీతాంజలి జె. అంగ్మో దాఖలు చేసిన పిటిషన్పై, ఈ దశలో ఎటువంటి మధ్యంతర ఉత్తర్వు అవసరం లేదని జస్టిస్ మినీ పుష్కర్ణ స్పష్టం చేశారు. ఈ పిటిషన్పై తదుపరి విచారణ జూలై 24న జరగనుంది. వాంగ్చుక్ను జంతర్ మంతర్ నుండి సఫ్దర్జంగ్ ఆసుపత్రికి తరలించడాన్ని ఏకపక్ష చర్యగా పరిగణించలేమని కూడా న్యాయమూర్తి పేర్కొన్నారు. వాంగ్చుక్ భార్య, సోదరుడు . బావమరిది ఆయనను ఎప్పుడైనా కలిసేందుకు అనుమతి ఉందని జస్టిస్ పుష్కర్ణ పేర్కొన్నార. ప్రైవేట్ ఆసుపత్రికి తరలించాలని కోరుతూ అంగ్మో దాఖలు చేసిన పిటిషన్పై కేంద్ర ప్రభుత్వం, సఫ్దర్జంగ్ ఆసుపత్రి , నగర పోలీసులకు ఆమె నోటీసులు జారీ చేశారు.
వాంగ్చుక్ భార్య అక్రమ నిర్బంధం ఆరోపణలతో ఢిల్లీ హైకోర్టును ఆశ్రయించారు. ఈ విషయంలో ఎటువంటి “అనుమానానికి” తావు ఉండకూడదని అదనపు సొలిసిటర్ జనరల్ చేతన్ శర్మ వాదించారు. సఫ్దర్జంగ్ ఆసుపత్రిలో వైద్యులు వాంగ్చుక్కు తగిన చికిత్స అందిస్తున్నారని, అయితే ఆయన కూడా సహకరించాల్సి ఉంటుందని పేర్కొన్నారు. పిటిషనర్ తరపున వాదించిన సీనియర్ న్యాయవాది కపిల్ సిబల్, వాంగ్చుక్ను మేదాంత ఆసుపత్రికి తరలించాలని కోరుతున్నట్లు తెలిపారు. వాంగ్చుక్ ఎటువంటి నిర్బంధంలోనూ లేరని నొక్కిచెప్పిన సిబల్, ఒక వ్యక్తికి తనకు నచ్చిన ఆసుపత్రిలో చేరే హక్కును నిరాకరించవచ్చా అని ప్రశ్నించారు.
