JP Nadda Karnataka Tour : క‌ర్ణాట‌క‌లో జేపీ న‌డ్డా టూర్
ఎన్నిక‌ల ప్ర‌చారంలో బిజీ
JP Nadda Karnataka Tour : కన్నడ నాట రాజ‌కీయం మ‌రింత రంజుగా మారింది. ప‌వ‌ర్ లో ఉన్న కాషాయ పార్టీ మ‌రోసారి అధికారంలోకి రావాల‌ని య‌త్నిస్తోంది. ఇప్ప‌టికే సీఎం బొమ్మై సార‌థ్యంలో ఈ ఏడాదికి సంబంధించి జ‌నాక‌ర్ష‌క బ‌డ్జెట్ ను ప్ర‌వేశ పెట్టింది.
ఇప్ప‌టికే ఎన్నిక‌ల ప్ర‌చారాన్ని ట్ర‌బుల్ షూట‌ర్ , కేంద్ర హోం శాఖ మంత్రి అమిత్ షా ప్రారంభించారు. బిగ్ ఏరో షో 2023ను స్టార్ట్ చేశారు ప్ర‌ధాన‌మంత్రి న‌రేంద్ర మోదీ. ప‌లుమార్లు ఎన్నిక‌ల ర్యాలీలు, స‌భ‌ల‌లో పాల్గొన్నారు భార‌తీయ జ‌న‌తా పార్టీ జాతీయ అధ్య‌క్షుడు జేపీ న‌డ్డ.
ఇందులో భాగంగా మ‌రోసారి కన్నడ నాట కాలు మోప‌నున్నారు. గ‌తంలో పాలించిన కాంగ్రెస్, జేడీఎస్ పార్టీలు క‌ర్ణాట‌క‌ను ప‌ట్టించు కోలేద‌ని ఆరోపించారు. అదే స‌మ‌యంలో టిప్పు సుల్తాన్ పాలించిన క‌ర్ణాట‌క కావాలా మీకు అంటూ ప్ర‌శ్నించారు. ఇదే స‌మ‌యంలో రాజ‌కీయ చాణ‌క్యుడిగా పేరు పొందిన మాజీ సీఎం , సీనియ‌ర్ నాయ‌కుడు బీఎస్ యెడియూర‌ప్ప ప్ర‌స్తుతం తాను ఎన్నిక‌ల్లో పోటీ చేయ‌డం లేదంటూ ప్ర‌క‌టించారు.
మ‌రోసారి పీఎంగా న‌రేంద్ర మోదీని అధికారంలోకి తీసుకు వ‌చ్చేందుకు ప్ర‌య‌త్నం చేస్తాన‌ని వెల్ల‌డించారు. ఈ త‌రుణంలో బీజేపీ నేష‌న‌ల్ చీఫ్ జేపీ న‌డ్డా ఫిబ్ర‌వ‌రి 20 సోమ‌వారం ఎన్నిక‌ల(JP Nadda Karnataka Tour) ప్ర‌చారంలో పాల్గొననున్నారు. ఆయ‌న రెండు రోజుల‌పాటు ప‌ర్య‌టిస్తారు. ఈనెల 20, 21న చిక్క బంగ‌ళూరులో ప‌ర్య‌టిస్తార‌ని స‌మాచారం.
ఈ రెండు రోజుల్లో జేపీ న‌డ్డా ఉడిపి, చిక్క మంగ‌ళూరు, హాస‌న్ జిల్లాల‌లో ప‌ర్య‌టిస్తార‌ని క‌ర్ణాట‌క బీజేపీ ప్ర‌ధాన కార్య‌ద‌ర్శి ఎన్ ర‌వికుమార్ వెల్ల‌డించారు.
Also Read : ఛ‌త్ర‌ప‌తి ఈ దేశానికి నిత్య స్పూర్తి