Hardik Pandya IPL : హార్దిక్ పాండ్యానా మ‌జాకా

Hardik Pandya : ఐపీఎల్ 16వ సీజ‌న్ లో గుజ‌రాత్ టైటాన్స్ జైత్ర‌యాత్ర కొన‌సాగుతోంది. అటు బ్యాటింగ్ లో ఇటు బౌలింగ్ లో స‌త్తా చాటుతోంది. ప్ర‌త్య‌ర్థి జ‌ట్లు ఎంత బ‌ల‌వంతంగా ఉన్నా గుజ‌రాత్ ధాటికి త‌ట్టుకోలేక త‌ల్ల‌డిల్లుతున్నాయి.

భారీ టార్గెట్ ముందున్నా డోంట్ కేర్ అంటోంది. ఒక‌రు ఆడ‌క పోయినా మ‌రొక‌రు రెచ్చి పోతున్నారు. త‌మ ప‌ని కానిచ్చేస్తున్నారు. ఐపీఎల్ 15వ సీజ‌న్ లో కొత్త‌గా ఎంట్రీ ఇస్తూనే హార్దిక్ పాండ్యా(Hardik Pandya) సేన విస్తుపోయేలా షాక్ ఇచ్చింది. ఏకంగా తొలిసారిగా ఐపీఎల్ టైటిల్ ను ఎగ‌రేసుకు పోయింది.

తాజాగా జ‌రుగుతున్న టోర్నీలో సైతం త‌న‌కు ఎదురే లేద‌ని దుమ్ము రేపుతోంది. ఇప్ప‌టి వ‌ర‌కు జ‌రిగిన మ్యాచ్ ల‌లో ఆధిక్యాన్ని ప్ర‌ద‌ర్శిస్తూ ముందుకు సాగుతోంది. పాయింట్ల ప‌ట్టిక‌లో టాప్ లో కొన‌సాగుతోంది. స్టేడియం ఏదైనా స‌రే త‌మ‌దే విజ‌యం అని ముందే హింట్ హిస్తోంది గుజ‌రాత్ టైటాన్స్ . ఇక మ్యాచ్ విష‌యానికి వ‌స్తే ముందుగా బ్యాటింగ్ చేసిన రాజ‌స్థాన్ రాయ‌ల్స్ 17. 5 ఓవ‌ర్ల‌లో 118 ర‌న్స్ కే చాప చుట్టేసింది.

అనంత‌రం స్వ‌ల్ప టార్గెట్ ను ఛేదించింది. ఓపెన‌ర్ వికెట్ కీప‌ర్ వృద్దిమాన్ సాహా 41 ర‌న్స్ చేస్తే , శుభ్ మ‌న్ గ‌గిల్ 34 ప‌రుగులు చేశాడు. ఇందులో 6 ఫోర్లు ఉన్నాయి. కేవ‌లం ఒక్క వికెట్ మాత్ర‌మే కోల్పోయింది. గిల్ ఔట్ అయ్యాక మైదానంలోకి వ‌చ్చిన కెప్టెన్ పాండ్యా రెచ్చి పోయాడు. వ‌చ్చీ రావ‌డంతోనే దంచి కొట్టాడు. కేవ‌లం 15 బంతులు మాత్ర‌మే ఎదుర్కొన్న పాండ్యా 3 ఫోర్లు 3 సిక్స‌ర్ల‌తో 39 ప‌రుగులు చేశాడు.

Also Read : నూర్ అహ్మ‌ద్ దెబ్బ‌కు విల‌విల‌