Siraj Salt Fight : క‌స్సుమ‌న్న మియాకు సాల్ట్ కౌంట‌ర్

Siraj Salt Fight : ఐపీఎల్ లో వివాదాలు చోటు చేసుకుంటున్నాయి. ఆట‌గాళ్ల మ‌ధ్య వాగ్వావాదాలు కొన‌సాగుతున్నాయి. మొన్న ల‌క్నో సూప‌ర్ జెయింట్స్ , రాయ‌ల్ ఛాలెంజ‌ర్స్ బెంగ‌ళూరు మ‌ధ్య జ‌రిగిన మ్యాచ్ అనంత‌రం విరాట్ కోహ్లీ, మెంటార్ గౌత‌మ్ గంభీర్ మ‌ధ్య తీవ్ర మాట‌ల యుద్దం కొన‌సాగింది. చివ‌ర‌కు జ‌రిమానా దాకా వెళ్లింది.

తాజాగా ఢిల్లీలోని అరుణ్ జైట్లీ ఫిరోజ్ షా కోట్లా మైదానంలో రాయ‌ల్ ఛాలెంజ‌ర్స్ బెంగ‌ళూరు, ఢిల్లీ క్యాపిట‌ల్స్ మ‌ధ్య మ్యాచ్ జ‌రిగింది. ముందుగా బ్యాటింగ్ చేసిన బెంగ‌ళూరు నిర్ణీత 20 ఓవ‌ర్ల‌లో 181 ర‌న్స్ చేసింది. అనంత‌రం బ‌రిలోకి దిగిన ఢిల్లీ క్యాపిట‌ల్స్ దంచి కొట్టింది. 7 వికెట్ల తేడాతో గెలుపు సాధించింది.

ఈ సంద‌ర్భంగా ఆర్సీబీ స్టార్ పేస‌ర్ మ‌హ్మ‌ద్ సిరాజ్ బౌలింగ్ చేస్తుండ‌గా ఢిల్లీ బ్యాట‌ర్, ఇంగ్లండ్ స్టార్ ఓపెన‌ర్ ఫిల్ సాల్ట్ మ‌ధ్య వాగ్వాదం చోటు చేసుకుంది(Siraj Salt Fight). ఇద్ద‌రి మ‌ధ్య మాట‌ల యుద్దం కొన‌సాగింది. సిరాజ్ మియా నోరు పారేసు కోవ‌డం , సాల్ట్ స్ట్రాంగ్ కౌంట‌ర్ ఇచ్చాడు.

కెప్టెన్ డేవిడ్ వార్న‌ర్ సైతం పేస‌ర్ తో యుద్దానికి దిగాడు. చివ‌ర‌కు మాటా మాటా పెరిగి ఘ‌ర్ష‌ణ‌కు దారి తీసే ప‌రిస్థితి నెల‌కొనే స‌మ‌యంలో అంపైర్ జోక్యం చేసుకోవ‌డంతో గొడ‌వ స‌ద్దు మ‌ణిగింది. మొత్తంగా సిరాజ్ , సాల్ట్ కు సంబంధించిన వ్య‌వ‌హారం హాట్ టాపిక్ గా మారింది. సోష‌ల్ మీడియాలో ఫోటోలు, వీడియోలు వైర‌ల్ గా మారాయి.

Also Read : స‌త్తా చాటిన రిలే రుస్సో