RR vs SRH IPL 2023 : రాజ‌స్థాన్ హైద‌రాబాద్ నువ్వా నేనా

RR vs SRH IPL 2023 : ఐపీఎల్ టోర్నీలో భాగంగా ఆదివారం మ‌రో కీల‌క మ్యాచ్ కు వేదిక కానుంది రాజ‌స్థాన్ లోని జైపూర్. సంజూ శాంస‌న్ సార‌థ్యం లోని రాజ‌స్థాన్ రాయ‌ల్స్ , ఐడెన్ మార్క్రామ్ నేతృత్వంలోని స‌న్ రైజ‌ర్స్ హైద‌రాబాద్(RR vs SRH IPL 2023) జ‌ట్లు త‌ల‌ప‌డ‌నున్నాయి.

పాయింట్ల ప‌ట్టిక‌లో 4వ స్థానంలో నిలిచింది రాజ‌స్థాన్. గెలిస్తే ఓ అడుగు ముందుకేస్తుంది. లేక పోతే త‌న స్థానాన్ని పోగొట్టుకుంది. ప్లే ఆఫ్ కు చేరుకోవాలంటే క‌చ్చితంగా గెల‌వాలి. ఇదే వేదిక‌పై గుజ‌రాత్ టైటాన్స్ చేతిలో ఘోర‌మైన ప‌రాభ‌వాన్ని మూట‌గ‌ట్టుకుంది రాజ‌స్థాన్.

118 ప‌రుగుల‌కే చాప చుట్టేసింది. గుజ‌రాత్ 9 వికెట్ల తేడాతో గ్రాండ్ విక్ట‌రీని న‌మోదు చేసింది. పాయింట్ల ప‌రంగా చూస్తే 10 మ్యాచ్ లు ఆడి 5 మ్యాచ్ ల‌లో గెలిచి 5 మ్యాచ్ ల‌లో ఓడి పోయింది. ఇక స‌న్ రైజ‌ర్స్ హైద‌రాబాద్ పాయింట్ల జాబితాలో చివ‌ర‌న నిలిచింది. ఇప్ప‌టి దాకా 9 మ్యాచ్ లు ఆడిన ఈ జ‌ట్టు కేవ‌లం 3 మ్యాచ్ ల‌లో మాత్ర‌మే గెలుపొందింది.

ఐపీఎల్ లీగ్ లో అత్యంత బ‌ల‌మైన బ్యాటింగ్ లైన‌ప్ క‌లిగి ఉన్న‌ది రాజ‌స్థాన్ రాయ‌ల్స్(RR vs SRH IPL 2023). కానీ ఆశించిన మేర రాణించ‌లేక పోతున్నారు. ప్ర‌ధానంగా కెప్టెన్ శాంస‌న్ , బ‌ట్ల‌ర్ , హిట్మెయ‌ర్ , రియాన్ ప‌రాగ్ నిరాశ ప‌రిచారు. కేవ‌లం జైశ్వాల్ , ధ్రువ‌ల్ మాత్ర‌మే రాణిస్తున్నారు. బౌలింగ్ ప‌రంగా ఆశించిన మేర రాణించ‌డం లేదు. ఇది తీవ్ర నిరాశ‌కు గురి చేస్తోంది.

Also Read : గుజరాత్ జోరు ల‌క్నో బేజారు