GT vs LSG IPL 2023 : గుజ‌రాత్ సెన్సేష‌న్ ల‌క్నో పరేషాన్

GT vs LSG IPL 2023 : ఐపీఎల్ 16వ సీజ‌న్ లో గుజ‌రాత్ టైటాన్స్ జైత్ర‌యాత్ర కొన‌సాగుతోంది. నువ్వా నేనా అన్న రీతిలో సాగిన మ్యాచ్ చివ‌ర‌కు ఏక‌ప‌క్షంగా సాగింది. అటు బ్యాటింగ్ లో ఇటు బౌలింగ్ లో స‌త్తా చాటింది గుజ‌రాత్(GT vs LSG IPL 2023). మొద‌ట బ్యాటింగ్ కు దిగిన గుజ‌రాత్ భారీ స్కోర్ సాధించింది. డిఫెండింగ్ ఛాంపియ‌న్ మ‌రోసారి స‌త్తా చాటింది. త‌న‌కు ఎదురే లేద‌ని దుమ్ము రేపింది.

గుజ‌రాత్ లోని అహ్మ‌దాబాద్ మోదీ స్టేడియంలో జ‌రిగిన ఈ మ్యాచ్ పూర్తిగా ఏక‌ప‌క్షంగా సాగింది. ల‌క్నోపై 56 ర‌న్స్ తేడాతో గెలుపొందింది. స్వంత గ్రౌండ్ లో హార్దిక్ పాండ్యా సేన మ్యాజిక్ చేసింది. పాయింట్ల ప‌ట్టిక‌లో టాప్ లో నిలిచింది.

ఇక మ్యాచ్ విష‌యానికి వ‌స్తే గుజ‌రాత్ బ్యాట‌ర్లు ఆకాశ‌మే హ‌ద్దుగా చెల‌రేగారు. ఈసారి ఐపీఎల్ లో దుమ్ము రేపుతూ వ‌స్తున్న శుభ్ మ‌న్ గిల్ చిత‌క్కొట్టాడు. ల‌క్నో బౌల‌ర్ల‌కు చుక్క‌లు చూపించాడు. సిక్స‌ర్లు, ఫోర్ల‌తో విరుచుకు ప‌డ్డాడు. 51 బంతులు ఆడాడు. 2 ఫోర్లు 7 సిక్స‌ర్లు కొట్టాడు.

ఇక ఓపెన‌ర్ వృద్ది మాన్ సాహా 43 బంతుల్లో 10 ఫోర్లు 4 సిక్స‌ర్ల‌తో సెన్సేష‌న్ ఇన్నింగ్స్ ఆడాడు. 81 ర‌న్స్ చేశాడు. దీంతో నిర్ణీత 20 ఓవ‌ర్ల‌లో 226 ప‌రుగులు చేసింది. ల‌క్నో బ్యాట‌ర్ల‌లో క్వింట‌న్ డికాక్ 70 ప‌రుగులు చేస్తే కైల్ మేయ‌ర్స్ 48 ర‌న్స్ చేశాడు.

Also Read : కైల్ మేయ‌ర్స్ అదుర్స్