Annapurna Photo Studio : అన్న‌పూర్ణ ఫోటో స్టూడియోపై ఆస‌క్తి

Annapurna Photo Studio : తెలుగు సినిమా కొత్త‌ద‌నం కోరుకుంటోంది. సందేశాత్మ‌క చిత్రాల‌ను ఎక్కువ‌గా ఈ మ‌ధ్య జ‌నం ఆద‌రిస్తున్నారు. క‌థ‌లో బ‌లం ఉంటే దానికి ఎలాంటి ప్ర‌చారం లేక పోయినా స‌క్సెస్ సాధిస్తుంద‌ని ఇటీవ‌లే వేణు తీసిన బ‌లంగం చిత్రం నిరూపించింది. లెక్క‌లేన‌న్ని అవార్డుల‌ను తెచ్చి పెట్టింది. ఇక ప్ర‌త్యేకంగా త‌మిళ‌, మ‌ల‌యాళ సినీ రంగంలో ప్ర‌యోగాల‌కు ఎక్కువ‌గా ప్ర‌యారిటీ ఇస్తూ వ‌స్తున్నారు నిర్మాత‌లు, ద‌ర్శ‌కులు.

ఇదే స‌మ‌యంలో క‌మ‌ర్షియ‌ల్ గా కూడా చిత్రాలు వ‌స్తున్నాయి. హీరోలు, స్టార్ డ‌మ్ లు, కోట్లాది రూపాయలు, ప్ర‌మోష‌న్స్ , ఉన్నా లేన‌ట్టు చెప్పే ఇంట‌ర్వ్యూల‌ను ప‌క్క‌న పెట్టేస్తున్నారు సినీ ప్రేక్ష‌కులు.

త‌మ‌కు ఏం కావాలో దానిని మాత్ర‌మే స్వీక‌రించేందుకు ఇష్ట ప‌డుతున్నారు. ఈ త‌రుణంలో మంచి ఫీల్ గుడ్ అనిపించే సినిమా ఒక‌టి ముందుకు వ‌చ్చింది ట్రైల‌ర్ రూపంలో. అదే అన్న‌పూర్ణ ఫోటో స్టూడియో(Annapurna Photo Studio). ఈ చిత్రానికి సంబంధించి ట్రైల‌ర్ ను న‌టుడు విజ‌య్ దేవ‌రకొండ విడుద‌ల చేశారు. గోదావ‌రి న‌దీ తీరంలో చోటు చేసుకున్న ప్రేమ క‌థ ఆధారంగా దీనిని చిత్ర ద‌ర్శ‌కుడు తెర‌కెక్కించారు. ప్రేమ‌, సంగీతం, డ్రామా, యాక్ష‌న్ , క‌థ‌లో కొత్త ద‌నం కొంత ఆక‌ట్టుకునేలా ఉంది.

ఈ చిత్రానికి ఎస్ రంగినేని నిర్మాత కాగా చెంచు ముద్దు ద‌ర్శ‌క‌త్వం వ‌హించారు. అన్న‌పూర్ణ ఫోటో స్టూడియో జూలై 21న విడుద‌ల కానుంది.

Also Read : Bandi Sanjay : బండి భావోద్వేగం