Jawan Prevue : బాద్ షా జ‌వాన్ మూవీ రికార్డ్
24 గంటల్లో 112 మిలియ‌న్ల వ్యూస్
Jawan Prevue : డైన‌మిక్ డైరెక్ట‌ర్ అట్లీ ద‌ర్శ‌క‌త్వంలో బాలీవుడ్ బాద్ షా షారుఖ్ ఖాన్ న‌టించిన జ‌వాన్ ప్రీ రిలీజ్ వీడియో రికార్డు సృష్టించింది. విడుద‌లైన 24 గంటల్లో ఏకంగా 112 మిలియ‌న్ల వీక్ష‌ణ‌ల‌ను పొందింది. సోష‌ల్ మీడియా ప్లాట్ ఫార‌మ్ ల‌లో ఇది అరుదైన ఘ‌న‌త సాధించింది. ఈ రికార్డు సాధించిన ఏకైక భార‌తీయ చిత్రంగా నిలిచింది.
జూలై 10న మూవీ మేక‌ర్స్ జ‌వాన్(Jawan) చిత్రానికి సంబంధించి ప్రీవ్యూ విడుద‌ల చేశారు. ఇప్ప‌టికే బాద్ షా షారుఖ్ ఖాన్ , ముద్దుగుమ్మ దీపికా ప‌దుకొనే క‌లిసి న‌టించిన ప‌ఠాన్ రికార్డుల మోత మోగించింది. ఏకంగా వ‌ర‌ల్డ్ వైడ్ గా భారీ వ‌సూళ్ల‌ను రాబ‌ట్టింది.
మ‌రో వైపు ఇప్ప‌టికే త‌మిళ సినీ ఇండ‌స్ట్రీలో మోస్ట్ పాపుల‌ర్ , మినిమం గ్యారెంటీ ఉన్న ద‌ర్శ‌కుడిగా అట్లీ పేరు తెచ్చుకున్నాడు. క్రియేటివిటీతో పాటు కాస్తంత క్రైమ్, స‌స్పెన్స్ ను మేళ‌వించి సినిమా తీయ‌డంలో త‌న‌కు త‌నే సాటి అట్లీ.
ఇక అత‌డిలోని ప్ర‌తిభ‌ను గుర్తించిన షారుఖ్ ఖాన్ సినిమా చేసేందుకు ఛాన్స్ ఇచ్చాడు. త‌మిళ ద‌ర్శ‌కుడి మేకింగ్, టేకింగ్ అన్న‌ది డిఫ‌రెంట్ గా ఉంటుంది. ఇప్ప‌టికే జ‌వాన్ కు సంబంధించిన పోస్ట‌ర్స్ దుమ్ము రేపుతున్నాయి. ఈ చిత్రంపై మ‌రింత భారీ అంచ‌నాలు పెంచేలా చేశాయి. ఆ క్రెడిట్ అంతా అట్లీతో పాటు న‌టుడు షారుఖ్ ఖాన్ కు ద‌క్కుతుంది.
Also Read : CM KCR : వీఆర్ఏల‌కు కేసీఆర్ ఖుష్ క‌బ‌ర్