Maamannan Netflix : 27న నెట్ ఫ్లిక్స్ లో మామ‌న్న‌న్

Maamannan Netflix : సీఎం స్టాలిన్ త‌న‌యుడు, మంత్రి ఉద‌య‌నిధి స్టాలిన్ , ప్ర‌ముఖ క‌మెడియ‌న్ వ‌డివేలు క‌లిసి న‌టించిన మామ‌న్న‌న్(Maamannan) విమ‌ర్శ‌కుల ప్ర‌శంస‌లు అందుకుంది. అంచ‌నాలకు మించి ఆద‌ర‌ణ చూర‌గొంది. ఇందులో వ‌డివేలు త‌న న‌ట‌న‌లో విశ్వ రూపాన్ని ప్ర‌ద‌ర్శించారు. ఆయ‌న‌కు పోటీగా ఉద‌య‌నిధి కూడా న‌టించారు. అంద‌రి మ‌న్న‌న‌లు పొందింది మామ‌న్న‌న్. ఈ చిత్రంలో స్టాలిన్ , వ‌డివేలుతో పాటు ఫ‌హ‌ద్ ఫాసిల్ , కీర్తి సురేష్ కూడా న‌టించారు.

Maamannan Netflix OTT

మామ‌న్న‌న్ చిత్రాన్ని మారి సెల్వ‌రాజ్ హృద్యంగా తెర కెక్కించాడు. సినిమాకు మంచి మార్కులు ప‌డ‌డంతో సంతోషంతో ఉద‌య‌నిధి స్టాలిన్ ఏకంగా భారీ ధ‌ర‌కు కారును కొనుగోలు చేసి ద‌ర్శ‌కుడికి అంద‌జేశాడు. పొలిటిక‌ల్ థ్రిల్ల‌ర్ గా తీసిన మామ‌న్న‌న్ ను రెడ్ జాయింట్ మూవీస్ బ్యాన‌ర్ పై ఉద‌య‌నిధి స్టాలిన్ నిర్మించాడు.

ఈ చిత్రానికి త‌నే క‌థ రాసుకున్నాడు. త‌నే ద‌ర్శ‌క‌త్వం వ‌హించాడు మారి సెల్వ‌రాజ్. ఆయ‌న‌ను ప్ర‌త్యేకంగా పిలిపించుకుని అభినంద‌న‌ల‌తో ముంచెత్తాడు సీఎం ఎంకే స్టాలిన్. ఇలాంటి క‌థ‌ను తాను చూడ‌లేద‌నంటూ కితాబు ఇచ్చాడు. ఇదిలా ఉండ‌గా ఈ చిత్రం గ‌త నెల జూన్ 29న థియేట‌ర్ల‌లో విడుద‌లైంది. మంచి టాక్ తెచ్చుకుంది. ఇక ఓటీటీ ప్లాట్ ఫార‌మ్ వేదిక‌గా నెట్ ఫ్లిక్స్ లో జూలై 27న స్ట్రీమింగ్ కానుంది. సినీ ప్రేక్ష‌కుల‌కు మంచి కానుక ఈ సినిమా చూడ‌టం.

Also Read :Captain Miller : కెప్టెన్ మిల్ల‌ర్ పై ఉత్కంఠ