Nara Lokesh YS Jagan : స్విమ్మింగ్ పూల్ లో జాగింగ్ చేస్తారా

Nara Lokesh YS Jagan : త‌న‌పై, త‌న తండ్రిపై వ్య‌క్తిగ‌త విమ‌ర్శ‌లు చేసిన ఏపీ సీఎం జ‌గ‌న్ మోహ‌న్ రెడ్డి(Jagan Mohan Reddy)పై తీవ్ర ఆగ్ర‌హం వ్య‌క్తం చేశారు టీడీపీ జాతీయ ప్ర‌ధాన కార్య‌ద‌ర్శి నారా లోకేష్. వెంక‌ట‌గిరి స‌భ‌లో జ‌గ‌న్ ఫ్ర‌స్టేటెడ్ బాయ్ గా మారారంటూ ఎద్దేవా చేశారు. ఆదివారం ఆయ‌న యువ గ‌ళం పాద‌యాత్ర సంద‌ర్భంగా మార్కాపురం నియోజ‌క‌వ‌ర్గంలో ప‌ర్య‌టిస్తున్నారు. పొగాకు రైతులతో ముఖాముఖి చేప‌ట్టారు.

ఇదిలా ఉండ‌గా తాను అమ్మాయిల‌తో తిరుగుతాన‌ని, స్విమ్మింగ్ ఫూల్ లో జ‌ల‌కాట‌లు ఆడుతానంటూ కామెంట్స్ చేయ‌డాన్ని తీవ్రంగా త‌ప్పు ప‌ట్టారు. సీఎం త‌న దిగ‌జారుడుత‌నాన్ని సూచిస్తోంద‌న్నారు. ఆయ‌న‌కు వేరే ఏ ప‌నీ లేద‌న్నారు. ఇవాళ రాష్ట్రంలో ప్ర‌జ‌లు అరాచ‌క పాల‌న‌ను త‌ట్టుకోలేక పోతున్నారంటూ ఆవేద‌న చెందారు.

Nara Lokesh YS Jagan Comment

ఇదే స‌మ‌యంలో సెటైర్ వేశారు జ‌గ‌న్ రెడ్డిపై. స్విమ్మింగ్ పూల్ లో ఈత కొట్ట‌క పోతే జాగింగ్ చేస్తారా జ‌గ‌న్ అంటూ నారా లోకేష్ ప్ర‌శ్నించారు. 20 ఏళ్ల కింద‌ట స్నేహితుల‌తో క‌లిసి స్విమ్మింగ్ పూల్ కు వెళ్లిన మాట వాస్త‌వ‌మేన‌ని స్ప‌ష్టం చేశారు. నేను స్విమ్మింగ్ వెళితే నువ్వు ఆనాడు ప్ర‌శ్నించ‌కుండా ఇవాళ ఎందుకు లేవ‌దీశావ‌వంటూ నిప్పులు చెరిగారు నారా లోకేష్‌.

రాబోయే రోజుల్లో ప్ర‌జ‌లు త‌గిన రీతిలో సీఎంకు బుద్ది చెప్ప‌డం ఖాయ‌మ‌న్నారు.

Also Read : Dasoju Sravan : ‘గంగాపురం’పై దాసోజు గ‌రం