కావేరీ వివాదంపై ద్వైపాక్షిక చర్చలకు విజ‌య్ ప్ర‌తిపాద‌న

చెన్నై : కావేరీ వివాదంపై ద్వైపాక్షిక చర్చలకు తమిళనాడు సీఎం విజయ్ ప్రతిపాదించారు. కర్ణాటకలోని మేకెదాటు వద్ద బ్యాలెన్సింగ్ రిజర్వాయర్‌ను నిర్మించే ఆ రాష్ట్ర నిర్ణయం తమ ప్రయోజనాలను దెబ్బతీస్తుందని పేర్కొంటూ తమిళనాడు దీనిని వ్యతిరేకిస్తోంది గ‌త కొంత కాలంగా . దీర్ఘకాలంగా కొనసాగుతున్న కావేరీ నదీ జలాల పంపిణీ వివాదానికి సామరస్య పూర్వక పరిష్కారం కనుగొనేందుకు, కర్ణాటక ముఖ్యమంత్రితో ద్వైపాక్షిక చర్చలు జరపాలని తమిళనాడు ముఖ్యమంత్రి సి. జోసెఫ్ విజయ్ ప్రతిపాదించడం ప‌ట్ల సంతోషం వ్య‌క్తం అవుతోంది. అయితే ఈ నిర్ణయంపై రాష్ట్రంలోని రైతు సంఘాలు , రాజకీయ పార్టీల నుంచి విమర్శలు వ్యక్తమవుతున్నాయి. కర్ణాటక ముఖ్యమంత్రి డి.కె. శివకుమార్‌తో చర్చల కోసం విజయ్ ఆగస్టు 3న ఆ పొరుగు రాష్ట్రానికి వెళ్లనున్నారు.

1970, 1980ల చివరలో మాజీ ముఖ్యమంత్రి ఎం.జి. రామచంద్రన్ తన వ్యక్తిగత సంబంధాలు , రాజకీయ సద్భావనను ఉపయోగించుకుని, న్యాయ పరమైన ప్రక్రియకు వెలుపల నీటిని తక్షణమే విడుదల చేయించుకునేలా కర్ణాటకతో ప్రత్యక్ష చర్చలు జరిపేవారని సమాచారం. రాజకీయ సంప్రదాయాలకు భిన్నంగా ఆయన చేసిన ఆకస్మిక పర్యటనలు తమిళనాడుకు నీటిని పొందడంలో సహాయ పడ్డాయని వర్గాలు తెలిపాయి. బెంగళూరులో సమావేశం కోసం విజయ్, శివకుమార్‌కు లేఖ రాయగా, ఆయన అందుకు అంగీకరించారు. ఈ పరిణామాన్ని ధృవీకరిస్తూ, తమిళనాడు వ్యవసాయ శాఖ మంత్రి ఆర్. వినోత్ విలేకరులతో మాట్లాడుతూ ఇది వాస్త‌వ‌మేన‌ని పేర్కొన్నారు.

దీర్ఘకాలంగా పెండింగ్‌లో ఉన్న కావేరీ వివాదం, ప్రతిపాదిత మేకెదాటు ఆనకట్ట ప్రాజెక్టుపై చర్చించేందుకు విజయ్ బెంగళూరును సందర్శిస్తారని తెలిపారు. రాష్ట్రాన్ని సందర్శించాల్సిందిగా ముఖ్యమంత్రి (విజయ్)కి కర్ణాటక అధికారిక ఆహ్వానం పంపింది అని కుంభకోణంలో వినోత్ అన్నారు. మేకెదాటు ఆనకట్ట ప్రాజెక్టు విషయంలో తమిళనాడు యొక్క దృఢమైన వైఖరిని వినోత్ పునరుద్ఘాటించారు.