ఛలో సంసద్ ఆందోళనలో అసాంఘిక శక్తులు
ఢిల్లీ కోర్టుకు నివేదిక సమర్పించిన పోలీసులు
న్యూఢిల్లీ : కాక్రోచ్ జనతా పార్టీ ఆధ్వర్యంలో గత జూలై నెల 20న నిర్వహించిన చలో సంసద్ నిరసనల్లో అసాంఘిక శక్తులు పాల్గొన్నాయని ఢిల్లీ పోలీసులు సంచలన ఆరోపణలు చేశారు. ఇందుకు సంబంధించిన ఆధారాలు తమ వద్ద ఉన్నాయని పేర్కొన్నారు. ఇందుకు సంబంధించిన నివేదికను సుప్రీంకోర్టుకు సమర్పించారు. నేర చరిత్ర ఉన్నవారు చొరబడ్డారని తెలిపారు. 240 మంది పోలీసులకు గాయపడ్డారని పేర్కొన్నారు. చలో సంసద్ నిరసన సందర్భంగా తాము ప్రయోగించిన బలప్రయోగాన్ని ఢిల్లీ పోలీసులు గట్టిగా సమర్థించుకున్నారు. ఈ ఆందోళనను సామాజిక వ్యతిరేక శక్తులు , నేర చరిత్ర ఉన్నవారు తమ ఆధీనంలోకి తీసుకున్నారని, దీనివల్ల శాంతిభద్రతలు దెబ్బతిని పోలీసు సిబ్బంది గాయపడ్డారని వారు సుప్రీంకోర్టుకు తెలిపారు. నిరసనకారులపై అధిక బలప్రయోగం జరిగిందన్న ఆరోపణలతో దాఖలైన పిటిషన్లకు సమాధానంగా న్యూఢిల్లీ జిల్లా డిప్యూటీ కమిషనర్ ఆఫ్ పోలీస్ సచిన్ శర్మ ఈ అఫిడవిట్ను దాఖలు చేశారు.
తమ చర్యలను కోర్టు నియమించిన కమిటీ పరిశీలించడానికి తాము సిద్ధమని అందులో పేర్కొన్నారు. పోలీసులు ప్రయోగించిన బలప్రయోగంపై న్యాయస్థానం నియమించే కమిటీ విచారణ జరపవచ్చు; అటువంటి కమిటీకి ఢిల్లీ పోలీసులు పూర్తి సహకారం అందించి, అవసరమైన అన్ని వివరాలను సమర్పిస్తారని తెలిపారు. ఆగస్టు 3న, ఈ అంశంపై పిటిషన్లను విచారిస్తున్న ప్రధాన న్యాయమూర్తి సూర్య కాంత్ నేతృత్వంలోని ధర్మాసనం ఒక స్పష్టతనిచ్చింది. విద్యార్థి నిరసనకారుల విడుదలకు సంబంధించిన తమ ఆదేశాల్లో పేర్కొన్న నేర చరిత్ర అనే పదం కేవలం తీవ్రమైన , ఘోరమైన నేరాల్లో ప్రమేయం ఉన్నవారికి మాత్రమే వర్తిస్తుందని ధర్మాసనం స్పష్టం చేసింది. అలాగే, చట్టం ప్రకారం మిగిలిన విద్యార్థులపై నమోదైన ఎఫ్ఐఆర్లను రాష్ట్రాలు మూసి వేయవచ్చని లేదా ఉపసంహరించు కోవచ్చని కూడా పేర్కొంది.