దిగొచ్చిన బీజేపీ సర్కార్ రైతుల ఆందోళన విరమణ
పెసర పంటకు కనీస మద్దతు ధర ప్రకటన
భూపాల్ : మధ్యప్రదేశ్ మధ్య-దక్షిణ ప్రాంత రైతులు చేపట్టిన 48 గంటల సుదీర్ఘ ఆందోళనను విరమించారు. గత్యంతరం లేక అన్నదాతల నిరసన మరింత ఉధృతం అయ్యేలా ఉందని ముందు జాగ్రత్తగా బీజేపీ సర్కార్ దిగి వచ్చింది. ఈ మేరకు రైతు సంఘాల నేతలతో సంప్రదింపులు జరిపింది. పెద్ద ఎత్తున సాగు చేసిన పెసర ధాన్యానికి కనీస మద్దతు ధర కల్పిచండంలో సర్కార్ విఫలం అయ్యిందని ఆరోపించారు అన్నదాతలు. బేషరతుగా పెంచాల్సిందేనని డిమాండ్ చేశారు. అటు సర్కార్ ఇటు నేతల మధ్య అర్ధరాత్రి దాకా చర్చలు కొనసాగాయి. చివరకు ప్రభుత్వం రైతు ప్రతినిధులు ప్రతిపాదించిన డిమాండ్లకు ఓకే చెప్పింది కొన్నింటికి. ముఖ్యమంత్రిగా బాధ్యతలు చేపట్టిన రెండేళ్లన్నర కాలంలో సంక్షోభ పరిష్కార సామర్థ్యాన్ని పరీక్షించిన ఈ రైతుల ఆందోళన, అధికార పార్టీ నాయకుల మధ్య అంతర్గత విభేదాల నడుమ ‘డబుల్ ఇంజిన్’ ప్రభుత్వ పరిమితులను బయట పెట్టింది.
మధ్యప్రదేశ్లో పెసర సాగుకు ప్రసిద్ధి చెందిన నర్మదాపురం ప్రాంత రైతులు జూలై 27న అకస్మాత్తుగా భోపాల్ వైపు కవాతు ప్రారంభించి శ్యామ్లా హిల్స్లోని ముఖ్యమంత్రి అధికారిక నివాసాన్ని ముట్టడించేందుకు ప్రయత్నించారు. ఇది మోహన్ యాదవ్ ప్రభుత్వాన్ని ఆశ్చర్యానికి గురి చేసింది. ఒక్కో రైతుకు 25 శాతం దిగుబడిని మాత్రమే సేకరించే పరిమితికి బదులుగా, తమ మొత్తం పెసర పంటను సేకరించాలని వారు రాష్ట్ర ప్రభుత్వాన్ని డిమాండ్ చేశారు. గురువారం జరగనున్న ఉప ఎన్నికల కోసం ముఖ్యమంత్రితో సహా దాదాపు రెండు డజన్ల రాష్ట్ర , కేంద్ర మంత్రులతో దతియా అసెంబ్లీ నియోజకవర్గంలో అధికార బీజేపీ విస్తృత ప్రచారాన్ని నిర్వహిస్తున్న తరుణంలోనే ఈ ఆందోళన చోటు చేసుకుంది.
రైతుల డిమాండ్లను తీర్చడానికి కేంద్రం మధ్యప్రదేశ్ కోసం నిర్ణయించిన పెసర సేకరణ పరిమితిని అదనంగా నాలుగు లక్షల మెట్రిక్ టన్నుల మేర పెంచాలని కోరుతూ రాష్ట్ర వ్యవసాయ శాఖ మంత్రి ఐడల్ సింగ్ కన్సానా కేంద్ర వ్యవసాయ శాఖ మంత్రి శివరాజ్ సింగ్ చౌహాన్కు లేఖ రాశారు. భోపాల్లోకి ప్రవేశించడానికి రైతులు పోలీసు బారికేడ్లను ఛేదించి తమ ఆందోళనను ఉధృతం చేయడంతో, కేంద్రం ఆదుకుంటుందనే ఆశతో రాష్ట్ర ప్రభుత్వం ఈ చర్య తీసుకుందని వర్గాలు తెలిపాయి. అయితే, రాష్ట్రంలో పెసర సేకరణ మందకొడిగా సాగుతోందని ఎత్తిచూపడం ద్వారా కేంద్ర వ్యవసాయ శాఖ మంత్రి మోహన్ యాదవ్ ప్రభుత్వ పాలనాపరమైన వైఫల్యాన్ని బయట పెట్టారు. 2025-26 సంవత్సరానికి మధ్యప్రదేశ్ కోసం కేంద్రం నిర్ణయించిన 4,54,580 మెట్రిక్ టన్నుల సేకరణ పరిమితికి వ్యతిరేకంగా, జూలై 29 నాటికి రాష్ట్ర ప్రభుత్వం కేవలం 60,000 మెట్రిక్ టన్నుల పెసరను మాత్రమే సేకరించిందని ముఖ్యమంత్రికి రాసిన లేఖలో చౌహాన్ పేర్కొన్నారు.