IND vs BAN 1st Test 2022 : బ్యాటింగ్ ఎంచుకున్న భార‌త్

IND vs BAN 1st Test 2022 : బంగ్లాదేశ్ టూర్ లో భాగంగా ఇప్ప‌టికే వ‌న్డే సీరీస్ కోల్పోయింది భార‌త జ‌ట్టు(IND vs BAN 1st Test 2022). 2-1 తేడాతో ఘోర‌మైన అవ‌మానం పొందింది. చివ‌ర‌కు ఆఖ‌రి మ్యాచ్ లో భారీ స్కోర్ తో చ‌రిత్ర సృష్టించింది. ఇక రెండు టెస్టుల సీరీస్ లో భాగంగా మొద‌టి టెస్టు బుధ‌వారం ప్రారంభ‌మైంది. ఇక రెగ్యుల‌ర్ కెప్టెన్ రోహిత్ శ‌ర్మకు గాయాలు కావ‌డంతో మ్యాచ్ నుంచి త‌ప్పుకున్నాడు.

అత‌డి స్థానంలో తాత్కాలిక కెప్టెన్ గా కేఎల్ రాహుల్ బాధ్య‌త‌లు చేప‌ట్టాడు. మ్యాచ్ లో భాగంగా టీమిండియా సార‌థి టాస్ గెలిచి బ్యాటింగ్ ఎంచుకున్నాడు. బంగ్లాదేశ్ లోని చ‌టోగ్రామ్ జ‌హుర్ అహ్మ‌ద్ చౌద‌రి స్టేడియంలో ఈ మ్యాచ్ కొన‌సాగుతోంది.

ఇక జ‌ట్టు ప‌రంగా కుల్దీప్ యాద‌వ్ , అక్ష‌ర్ పటేల్ , ర‌విచంద్ర‌న్ అశ్విన్ లు ఆడుతున్నారు. రోహిత్ శ‌ర్మ బొట‌న వేలికి గాయం కావ‌డంతో చికిత్స పొందుతున్నాడు. ఈనెల 22 నుంచి ప్రారంభమ‌య్యే రెండో టెస్టు కు అందుబాటులో ఉంటాడ‌ని బీసీసీఐ ప్ర‌క‌టించింది. ఇక జ‌ట్ల ప‌రంగా చూస్తే ఇలా ఉన్నాయి.

భార‌త జ‌ట్టు(IND vs BAN 1st Test 2022) లో శుభ్ మ‌న్ గిల్ , కేఎల్ రాహుల్ (కెప్టెన్ ) , ఛ‌తేశ్వ‌ర్ పుజారా , విరాట్ కోహ్లీ, శ్రేయ‌స్ అయ్య‌ర్ , రిష‌బ్ పంత్ (వికెట్ కీప‌ర్ ) , అక్ష‌ర్ ప‌టేల్ , ర‌విచంద్ర‌న్ అశ్విన్ , కుల్దీప్ యాద‌వ్ , ఉమేష్ యాద‌వ్ , మ‌హ్మ‌ద్ సిరాజ్ ఉన్నారు.

ఇక బంగ్లాదేశ్ జ‌ట్టులో జ‌కీర్ హ‌స‌న్ , న‌జ్ముల్ హుస్సేన్ శాంటో , లిట్ట‌న్ దాస్ , ష‌కీబ్ అల్ హ‌స‌న్ (కెప్టెన్ ) , ర‌హీమ్ (వికెట్ కీప‌ర్ ) , యాసిర్ అలీ, నూరుల్ హ‌స‌న్ , మెహిదీ హ‌స‌న్ మిరాజ్ , తైజుల్ ఇస్లాం, ఖ‌లీద్ అహ్మ‌ద్ , హుస్సేన్ ఆడ‌తారు.

Also Read : ఈ విజ‌యం దేశానికి అంకితం – మెస్సీ