Joseph Vijay : పాలిటిక్స్ వైపు విజ‌య్ చూపు
త‌ల‌ప‌తి వ‌స్తాడ‌ని భారీ ప్ర‌చారం
Joseph Vijay : త‌మిళ సినీ ఇండ‌స్ట్రీలో మోస్ట్ పాపుల‌ర్ న‌టుడిగా గుర్తింపు పొందాడు జోసెఫ్ విజ‌య్. మినిమం గ్యారెంటీ ఉన్న హీరోగా ఇప్ప‌టికే పేరున్న విజ‌య్ లియో తీస్తున్నాడు. ఇప్ప‌టికే ఈ చిత్రంకు సంబంధించిన పోస్ట‌ర్లు దుమ్ము రేపుతున్నాయి. ద‌క్షిణాదిన అత్య‌ధిక పారితోషకం తీసుకుంటాడ‌ని ప్ర‌తీతి. కానీ విజ‌య్ ఈ మ‌ధ్య పాలిటిక్స్ వైపు మొగ్గు చూపుతున్న‌ట్లు పెద్ద ఎత్తున ప్ర‌చారం జ‌రుగుతోంది.
2019లో జ‌రిగిన ఎన్నిక‌ల్లో విజ‌య్(Vijay) పొలిటిక‌ల్ ఎంట్రీ ఉంటుంద‌ని అంతా భావించారు. ఫ్యాన్స్ కూడా తెగ సంబురాలు చేసుకున్నారు. కానీ ఉన్న‌ట్టుండి ఆయ‌న మౌనం వ‌హించారు. ఇప్ప‌టికే ఒక‌రు ఇద్ద‌రు త‌ప్ప సినీ న‌టులు పెద్ద‌గా పాలిటిక్స్ లో రాణించింది లేదు. జ‌య‌ల‌లిత, ఎంజీఆర్ త‌ప్ప మ‌రొక‌రు కంటిన్యూగా స‌క్సెస్ అయిన‌ట్లు లేదు.
ప‌లువురు న‌టులు పార్టీల వైపు చూసినా ఎందుక‌నో స‌క్సెస్ కాలేక పోయారు. త‌లైవా ర‌జ‌నీకాంత్ పార్టీ పెట్టినంత ప‌ని చేశాడు. ఆర్భాటంగా ప్ర‌క‌టించాడు. చివ‌ర‌కు విర‌మించుకున్నాడు. ఇక క‌ళా వ‌ల్ల‌భుడిగా పేరు పొందిన క‌మ‌ల్ హాస‌న్ మ‌క్క‌ల్ నీది మ‌య్యం అనే పేరుతో పార్టీ ఏర్పాటు చేశాడు. ఒక్క సీటు కూడా గెల‌వ‌లేక పోయాడు. తాజాగా విజ‌య్ పొలిటిక‌ల్ ఎంట్రీ ఉంటుంద‌ని టాక్. పిల్ల‌ల‌కు కామ‌రాజ్ , పెరియార్ , అంబేద్క‌ర్ ల‌ను చ‌ద‌వాల‌ని సూచించాడు. మ‌రి విజ‌య్ మ‌దిలో ఏముందో చూడాలంటే ఈ ఫోటో చూడాలి.
Also Read : CJI Chandrachud : కేంద్రం అఫిడ‌విట్ ను ప‌రిగ‌ణించం