Tamannaah Vijay : ‘సుర’ లాంటి సినిమా మ‌ళ్లీ చేయ‌ను

Tamannaah Vijay : ప్ర‌ముఖ న‌టి త‌మ‌న్నా భాటియా సంచ‌ల‌న వ్యాఖ్య‌లు చేసింది. త‌మిళ సినీ న‌టుడు జోసెఫ్ విజ‌య్ తో క‌లిసి సుర సినిమా చేశారు. అది బాక్సాఫీస్ వ‌ద్ద వైఫ‌ల్యం చెందింది. దీనిపై ఓ ఛాన‌ల్ తో ఆమె మాట్లాడుతూ కీల‌క వ్యాఖ్య‌లు చేశారు. నేను సుర లాంటి సినిమాను ఇంకెప్పుడూ చేయ‌న‌ని స్ప‌ష్టం చేశారు. ఆ సినిమా షూటింగ్ చేస్తున్న‌ప్పుడు వ‌ర్క‌వుట్ కాద‌ని తేలి పోయింద‌న్నారు.

Tamannaah Vijay Memories

ఈ ఆలోచ‌న త‌న‌కు క‌లిగింద‌ని చెప్పారు త‌మ‌న్నా భాటియా(Tamannaah). చాలా సినిమాల‌లో న‌టిస్తున్న‌ప్పుడే తెలిసి పోతుంది..ఇది హిట్టా ఫ‌ట్టా అని పేర్కొన్నారు. ఒక్కోసారి అవ‌త‌లి వాళ్ల స్టామినా, హీరోకు ఉన్న ఇమేజ్ ను చూసి క‌మిట్ మెంట్ ఇవ్వాల్సి వ‌స్తుంద‌న్నారు త‌మ‌న్నా.

ఇక జోసెఫ్ విజ‌య్ గురించి ఎంత చెప్పినా త‌క్కువే. ఆయ‌న‌తో క‌లిసి న‌టించ‌డం చాలా అదృష్టంగా భావిస్తున్నా. కానీ సుర లాంటి చిత్రం విఫ‌లం కావ‌డానికి బ‌ల‌మైన కార‌ణాలు ఉన్నాయ‌ని అభిప్రాయ‌ప‌డ్డారు న‌టి. ఒక్క‌సారి సంత‌కం చేస్తే త‌ప్ప‌నిస‌రిగా చేయాల్సి ఉంటుంద‌న్నారు. దీని వ‌ల్ల కొంత ఇబ్బందులు త‌లెత్తుతుంటాయ‌ని కెరీర్ అన్నాక ఇవి స‌ర్వ సాధార‌ణ‌మ‌ని పేర్కొన్నారు త‌మ‌న్నా భాటియా.

ప్ర‌స్తుతం త‌మ‌న్నా మంచి ఊపులో ఉంది. ఆమె త‌మిళ సూప‌ర్ స్టార్ ర‌జ‌నీకాంత్ తో క‌లిసి జైల‌ర్ చిత్రం చేసింది. ఇందులో ఆమె న‌టించిన కావాలా సాంగ్ యూట్యూబ్ ను షేక్ చేస్తోంది. మ‌రో వైపు వెబ్ సీరీస్ లో కూడా రెచ్చి పోయి న‌టించింది.

Also Read : Bandi Sanjay : ఏపీ ఇంఛార్జ్ గా బండికి ఛాన్స్..?