Telangana Congress Thanks : స‌భ స‌క్సెస్ కాంగ్రెస్ థ్యాంక్స్
నాలుగున్న‌ర కోట్ల ప్ర‌జ‌ల‌కు
Telangana Congress Thanks : హైద‌రాబాద్ – తెలంగాణ ప్ర‌దేశ్ కాంగ్రెస్ క‌మిటీ (టీపీసీసీ) తెలంగాణ రాష్ట్రానికి చెందిన నాలుగున్న‌ర కోట్ల ప్ర‌జానీకానికి ధ‌న్య‌వాదాలు తెలిపింది. సోమ‌వారం ట్విట్ట‌ర్ వేదిక‌గా ఓ సందేశాన్ని పోస్ట్ చేసింది. యావ‌త్ తెలంగాణ మొత్తం ఇప్పుడు కాంగ్రెస్ పార్టీ వైపు చూస్తోంద‌ని పేర్కొంది.
Telangana Congress Thanks to the People
ఎలాంటి హంగు, ఆర్భాటాలు లేకుండా కాంగ్రెస్ పార్టీ ఆధ్వ‌ర్యంలో రంగారెడ్డి జిల్లా తుక్కుగూడ వేదిక‌గా నిర్వ‌హించిన విజ‌య భేరి స‌భ‌కు స్వ‌చ్చంధంగా ల‌క్ష‌లాది మంది జ‌నం త‌ర‌లి రావ‌డం శుభ సూచ‌క‌మ‌ని పేర్కొంది.
ఈ సంద‌ర్బంగా స‌భ‌కు విచ్చేసిన ప్ర‌జ‌ల‌కు, రాలేక పోయిన జ‌నాల‌కు ధ‌న్య‌వాదాలు తెలియ చేసుకుంటున్నామ‌ని కాంగ్రెస్(Congress) పార్టీ తెలిపింది. చ‌రిత్ర‌ను తిర‌గ రాశారంటూ పేర్కొంది. ఈ చారిత్రాత్మ‌క స‌భ కొత్త రికార్డులు సృష్టించింద‌ని ఇందుకు మీరందించిన స‌హ‌కారం వ‌ల్ల‌నే సాధ్య‌మైంద‌ని కొనియాడింది పార్టీ.
ఇంత కాలం బంగారు తెలంగాణ పేరుతో ప్ర‌జ‌ల‌ను మోసం చేస్తూ వ‌చ్చిన భార‌త రాష్ట్ర స‌మితి పార్టీకి, ప్ర‌భుత్వానికి రాబోయే కాలంలో ఓట‌మి త‌ప్ప‌ద‌ని తేల్చింద‌ని స్ప‌ష్టం చేసింది. ఇక నుంచి కులం, మ‌తం పేరుతో రాజ‌కీయాలు చేసి ల‌బ్ది పొందాలనే బీజేపీకి కూడా ఈ స‌భ ఓ గుణ‌పాఠంగా మిగిలి పోతుంద‌ని పేర్కొంది.
Also Read : Team India Victory : అన్ స్టాప‌బుల్ ఇండియా