చేనేత కార్మికులకు రేవంత్ ప్రభుత్వం ద్రోహం

హైద‌రాబాద్ : తెలంగాణ‌లో కొలువు తీరిన కాంగ్రెస్ రేవంత్ రెడ్డి స‌ర్కార్ చేనేత కార్మికుల పాలిట శాఫంగా మారింద‌ని ఆవేద‌న వ్య‌క్తం చేశారు మాజీ మంత్రి కేటీఆర్. ఆయ‌న ఇవాళ మీడియాతో మాట్లాడారు. చేనేత కార్మికులను కావాల‌ని నిర్ల‌క్ష్యం చేయ‌డం దారుణ‌మ‌న్నారు. ఇది ఎంత మాత్రం మంచి ప‌ద్ద‌తి కాద‌న్నారు. రేయింబ‌వ‌ళ్లు చేనేత రంగంపై ఆధార‌ప‌డి ప‌ని చేస్తున్న వారు వేలాది మంది ఉన్నార‌ని, వారిపై ఆధార‌ప‌డిన వారు లెక్క‌కు మించి ఉన్నార‌ని తెలిపారు. బీఆర్ఎస్ హయాంలో ప్రవేశపెట్టిన సంక్షేమ పథకాలను పునరుద్ధరించాలని కేటీఆర్ డిమాండ్ చేశారు. బీఆర్ఎస్ వర్కింగ్ ప్రెసిడెంట్ కె.టి. రామారావు కాంగ్రెస్ ప్రభుత్వంపై తీవ్ర విమర్శలు గుప్పించారు. చేనేత కార్మికులను నిర్లక్ష్యం చేస్తోందని ఆరోపిస్తూ బీఆర్ఎస్ అధికారంలో ఉన్నప్పుడు కార్మికుల కోసం అమలు చేసిన సంక్షేమ పథకాలన్నింటినీ తిరిగి అమలు చేయాలని కోరారు.

జాతీయ చేనేత దినోత్సవం సందర్భంగా ముఖ్యమంత్రి ఎ. రేవంత్ రెడ్డికి ఆయ‌న బ‌హిరంగ లేఖ రాశారు.ఎన్నికల సమయంలో చేనేత కార్మికులకు ఇచ్చిన ఒక్క హామీని కూడా కాంగ్రెస్ ప్రభుత్వం నిలబెట్టుకోలేదు అని రామారావు పేర్కొన్నారు. ఆ హామీలలో ‘చేనేత భరోసా’ కింద ఏటా రూ. 18,000 ఆర్థిక సహాయం, అనుబంధ కార్మికులకు రూ. 6,000 సహాయం, రూ. లక్ష వరకు వ్యక్తిగత రుణాల మాఫీ, చేనేత సహకార సంఘాల క్యాష్ క్రెడిట్ రుణాల మాఫీ, అలాగే చేనేత వస్త్రాలపై కేంద్రం విధించిన 5 శాతం GST భారాన్ని ప్రభుత్వమే భరిస్తుందన్న హామీ వంటివి ఉన్నాయి. బీజేపీ నేతృత్వంలోని కేంద్ర ప్రభుత్వం , రాష్ట్రంలోని కాంగ్రెస్ ప్రభుత్వం కలిసి చేనేత రంగాన్ని సంక్షోభంలోకి నెడుతున్నాయని ఆయన ఆరోపించారు. రాష్ట్రంలో పాఠశాల యూనిఫాంల వంటి వస్త్రాల తయారీకి సంబంధించిన ప్రభుత్వ ఆర్డర్లను కమిషన్ల కోసం ప్రైవేట్ సంస్థలకు , వ్యక్తులకు అప్పగిస్తున్నారని రామారావు ఆరోపించారు.